Klikatu argazkien gainean handiago ikusteko

Udaberriaren etorrerarekin batera eta Gor Diskak diskoetxearen eskutik kaleratu du Balerdi Balerdi talde beteranoak single berria: Udaberri Alua. Hain justu, urtaro berriaren etorrerak dakarren ahanztura gaitzesten dute nafarrek, aurreko hilabeteetako gertaera tristeak naturaren berpiztearekin ahazten ditugulakoan.

Udaberri Alua kantarekin batera, Azken Kanta izeneko pieza ere txertatu dute bi abesti besterik ez dituen binilo txikian. Azken Kanta pieza kantuaren zentzuaz mintzatzen da, kanta berbera lehena eta azkena izan daitekeela iradokiz. 

Udaberri Alua singlea, nahiz binilo txiki osoa plataforma digitaletan eskuragarri dago jada. 

Sei urte joan dira  Toño Murok (ahotsa, gitarra), Pettik (gitarrak, ahotsa), Anxel Iraolak (baxua) eta Sergio Ibarrola ‘Zara’-k (ahotsa eta gitarra) osatzen duten bandak Galtzen Ikasteko Metodoa izeneko diskoa kaleratu zuenetik,. Iazko udan grabatu zituzten lau kanta berrietatik bi horiek aukeratu dituzte orain binilo txikia ateratzeko. Beste biak (Bizi bedi rock’n’rolla, eta Gurpilen Antzera) formatu digitalean daude eskuragarri.