Añorga Kirol Kultur elkarteak martxan du III. Ekirock Añorgako Izpiak musika jaialdia. Maiatzaren 20rako iragarri dute kartela, eta hainbat izen ageri dira.
12:30ean hasita, Harrobiaren Plazako oholtza gainera igoko dira Morau eta Beñardo, Esti Markez eta Iker Lauroba, Amorante, eta Yatze, hurrenez hurren. Gaua luzatzeko, Monkey Man dj-a ere ariko da.
Ekirock ibilgailu berezia erabiliko dute ekitaldia argindarrez hornitzeko. HIru gurpileko bizikletari eguzki-plaka bat jarri eta hala asmatu zuten Ordiziarock Ekintzak taldeko kideek Ekirock delako kulturgune ibiltaria. DJ saioak, antzerkiak, elektrotxarangak, proiekzioak... eta era guztietako kultur ekitaldi eta festak egiteko baliatu daiteke.
III. Izpiak Jaialdirako sarrera doakoa izango da, eta plazan bertan eskainiko dute jateko nahiz edateko aukera. Jaialdiko kontzertuak hasi aurretik bertan bazkaldu nahi duenak ere izango du horretarako parada.Info gehiago: HEMEN