2014ko txapelketa abian da!
Talde irabazleak disko bat grabatu eta bi jaialditan jotzeko aukera izango du: Bilbao BBK Live-n eta Bartzelonako Euskal Herria Sona-n
Martxan da
Banden Lehia musika txapelketaren seigarren edizioa. Izena emateko epea gaur bertan (urriak 1) ireki da eta urriaren 27ra arte egongo da zabalik.
Urtero bezala, oraingoan ere antolatzaileek berrikuntza batzuk gehitu dizkiote lehiaketari, eta ez dira nolanahikoak: izan ere, aurtengo edizioaren sariak
inoiz baino desiragarriagoak izango dira. Talde irabazleak
disko bat ekoiztu ez ezik,
bi jaialditan parte hartuko du 2015ean:
Bilbao BBK Live festibalean eta
Bartzelonako Euskal Etxeak antolatzen duen
Euskal Herria Sona jaialdian.
LEHIAKETAREN HELBURUA Musika lehiaketa honen helburua euskal musika talde amateurrik onena saritzea da. Baina ez hori bakarrik, tokiko musika banda euskaldunak ezagutzera eman nahi ditu ere. Lehiaketa honek euskara eta teknologia berriak uztartzen ditu.
Lehiaketaren oinarriak Banden Lehiaren web gunean aurkituko dituzue:
www.bandenlehia.com