Muare

Klikatu argazkien gainean handiago ikusteko

Akaleia, Eider, Eire, Etxepe, Haira, Haize-arrosa, Ithaka, Kadira, Karma, Ke lepo, Lilo, Mamu, Muare, Nakar, TRB, Txopet eta Zatibi taldeek euren aurreneko diskoa aurkeztuko dute aurten Durangoko Azokako Ahotsenea eszenatokian, Plateruenan hain zuzen.

Kopuru osoaren herena dira, izan ere, talde hasiberriez aparte, beste 32 bandek ere osatuko dute egitaraua: Amorante, Arima, Braulio, EKG, Esanezin, Ezezez, Feline, Ibil Bedi, Intza, Jabi Patxon eta Kofradia Rock, Kemaronte, Konpost, Kuma No Motor, Leihotikan, Lotura, Marlik, Miren eta Roberto Etxebarria, Modus Operandi, Moxal, Murgi, Muzak, Nogen, Otoi, Postal Kolekzionistak, Rukula, Sara Zozaya, Silitia, Toc, Yogurinha Borova, Xabi San Sebastian, Zeker eta Zukan.

Durangoko 58. Azoka abenduaren 6tik 10era bitarte izango da, eta Ahotseneak ere bost egunez hartuko ditu kontzertuak. Guzti-guztiak doakoak izango dira, 11:00etatik 22:00etara bitarte, etenik gabe. Bertaratzeko aukerarik ez duten musikazaleek streaming bidez jarraitu ahal izango dituzte emanaldiak, www.durangokoazoka.eus webgunean.