Euskal Herriaren eta Mendebaldeko Sahararen arteko lotura indartu nahi du Saharari Kantari egitasmoak. Euskal kulturatik kausa sahararrari egindako ekarpenaren emaitza da, hain justu, orain aurkeztu duten disko hau.
Hemezortzi artistaren artean ondu dute 12 kanta biltzen dituen Saharari Kantari diskoa. 16 artista euskaldunak dira, 2 sahararrak: Mikel Urdangarin, Anari, Iker Lauroba, Esti Markez, Fariba Sheikhan, Oreka TX , Postal Kolekzionistak, Physis versus Nomos, Pello Reparaz, Izaro, Olatz Salvador, Idoia Asurmendi, Itziar Ituño, Eñaut Elorrieta, Olaia Inziarte, Aziza Brahim eta Ali Seidah. Mikel Laboaren ahotsaz eta musikaz ere baliatu dira.
Datorren abenduaren 22an aurkeztuko dute diskoa Donostiako Kursaalen, eta halako kontzertu bakarra izango da. Iragarri dutenez, Jon Maia bertsolaria ere han izango da.
Diskoa eskuratu nahi dutenek berria.eus atariko dendan eros dezakete, Sahara, herri bat erresistentzian izeneko liburuarekin batera.