"Txukalda" du izena Morau ta Agotak eginiko lanak
2004-04-05
Bere ibilbideko pausorik garrantzitsuena eman duen uste sendoarekin itzuli da Andoni Tolosa Morau. Agotak taldeak lagunduta, Txukalda diskoa kaleratu berri du Hernanikoak, orain arteko laugarrena. Rock amerikarraren soinutik gertu, pop lelo itsaskorrak eta doinu barnerakoiak uztartu ditu modu bikainean, ironia finari bizkarra eman gabe. Mattin marrazkilariak, bere aldetik, lan ederra egin du Morauren kantuak ilustratzeko orduan.