Badira zenbait musikari beti daudela hor, urtez urte eta diskoz disko gure arima harritzen eta gure imaginarioa elikatzen jarraitzen dutenak. Ez zaude beraien esperoan, baina disko berri bat ateratzen duten bakoitzean, argitxo bat pizten da zure barruan, eta zalantza sortzen da: beste garai batzuetako diskoek bezain beste aseko nau lan berri honek? Jose Ignacio Lapidoren kasuan (Granada, 1962), hala izaten da. 091, berak eta Antonio Ariasek (Lagartija Nick) sortutako talde mitikoaren Ultimo Concierto diskoaren berrargitarapena merkaturatzen den egunotan, Lapido ez da atzean geratu, ez du atzera begiratu.