Orain dela hiru urte sortutako talde gaztea dugu Izaera. Hasiera batean, Irungo eta Hondarribiko hiru musikariz osaturik zegoen: Aritz (baxua), Sergio (bateria) eta Mono (gitarra). 2001ean estreinako grabazioa kaleratu zuten. Entzuten ziren erritmo ilun eta indartsuez osatutako abesti horiek infernura joateko gogoa ematen zidaten. Sufrimenduaren oihu eta melodiak gaineratzen zitzaizkidan eta benetan oilo azala jarri zidaten lehenengo aldiz Hernaniko rock astean ikusi nituenean.
Denbora joan eta etorri bitartean kontzertuak ematen jarraitu zuten, baina talde barruko egoera zela eta, Mono gitarra-joleak taldea utzi egin zuen. Orduan etenaldi luzea hasi zen: gelditasuna eta kontzertu gutxi.
Loreak hazi eta hostoak erori bitartean gitarra jole bat bilatzen hasi ziren eta baita aurkitu ere: Mikel, Hondarribiko lagun bat. Berehala hasi zen taldearekin entseatzen eta gitarrarekin abestiak gutxika ikasten, gero zuzenekoak elkarrekin emateko.

Oraina eta etorkizuna

Taldeak berriro ere bere dinamika hartzen du eta zuzenean kontzertu gogorrak ematen dituzte. Euria egiten du eta laster elurra ere, eta Izaera taldekoak beren bigarren grabazioa egiteko asmoarekin dabiltza. Hotza hasi eta lokalean konposaketa berriak osatzen doaz 2004ko apirilean bigarren grabazioari ekiteko. Tolosako Bonberenean grabatu dute, bertan dagoen estudioan, Karlos Lisab