Milurtekoaren hasierarekin hardcorearen olatuetan hasi eta elektronika&rock dantzagarrian edo indietronikaren uretan surfa egiten bukatu duen Zarauzko laukotea da Delorean. Argumentuak hauek: erritmo kutxa bat bailitzan erabilitako bateria, lurrazpiko baxua, sintetizadore analogikoak, delay-dun gitarra eta ahots urrun eta indargabe bat. 80ko hamarkadetako doinu eta erritmoak gogora ekarriko dizkigute.