90. hamarkada amaieran sortutako taldea da Zero 7. Londreseko iparraldean kokatzen dugun talde honen gidariak Sam Hardaker eta Henry Binns ditugu. Radioheaden Climbing up abestiaren nahasketa bat egiteko elkartu ziren. Oxfordeko taldearen eta Nigel Grodich ekoizlearen gustukoa izan zenez, Lenny Kravitz edo Lambchop bezalako taldeentzat nahasketak egiteko deitu zituzten ondoren. Honela, 2001ean Simple Things lehen diskoa sortzen dute Ultimate Dilemma diskoetxearentzat.

Lan arrakastatsua izan zen miloi inguru ale saltzera iritsi zelarik. Destiny bezalako singlek markatu zuten lehen diskoaren norabidea. Beranduago 2004ean When it falls bigarren diskoa kaleratu zuten. Taldearen konfirmazioa bilakatu zen lan honek ez zituen aurrekoak bezalako salmentak lortu, nahiz eta kritika eta jarraitzaileen gustokoa izan. 2006an The Garden hirugarren diskoa kaleratu zuten, momentuz argitaratu duten azkena.
Bertan Sia Furler edo Jose Gonzales bezalakoen laguntza izan zuten ahotsak grabatzerako orduan. Orain Ingrid Eto talde paraleloarekin datoz. Doinu instrumentalak eskaintzen dituzte eta taldearen arrakasta handienak nahiz argitaratu gabeko doinuak eskaintzen dituzte.