Zea Mays taldeak 2023ko Adarra Saria jasoko du gaur, ekainare 21ean, Musikaren Europako Egunean. Donostiako Udalak eta Donostia Kulturak emango duen X. garaikurra izango da.
Victoria Eugenia Antzokiko oholtzan jasoko dute taldekide bizkaitarrek saria, Marijose Rekalde eskultoreak egindako garaikurra. Donostiako alkatearen eskutik jasoko dute 19:30ean, eta segidan kontzertua emango dute kolaboratzaile talde zabalarekin batera.
Juan González Andrés kazetariak, Sara Zozaya musikariak eta Esther Fernandino Donostia Kulturako Musika teknikariak osatutako Aholku Batzordeak erabaki du Zea Maysek merezi duela aurtengo saria.