Izaro – X eta Besteak

Honezkero plataforma digital guztietan dago entzungai eta ikusgai Izaro Andresen berriena: X eta Besteak izeneko singlea. Izan ere, kanta ez ezik, ikus-entzunezkoa ere sareratu du Mallabiako artistak. Jaiotz Osa (Osa+Mujika) koreografoaren zuzendaritzapean dantzaturiko piezarekin dator Izaro Andres.

Iragan irailaren 4an iragarri zuen artistak aro berria zetorrela, ‘zero’ aroa. Hain justu, Cerodenero izeneko diskoa kaleratuko du datorren abenduaren 8an. Aurrekari gisa, X eta Besteak hau zabaldu du eta kontzertu-sorta ere baieztatu du dagoneko. Sarrerak izaromusic.com atarian eros daitezke.

Urtarrilak 2, Bilbo, Euskalduna.
Urtarrilak 3, Donostia, Kursaal.
Urtarrilak 4, Donostia, Kursaal.
Urtarrilak 14, Las Palmas.
Urtarrilak 20, Pozuelo de Alarcón.
Otsailak 3, Gasteiz, Principal.
Otsailak 9, Bartzelona, Apolo.
Otsailak 18, Iruñea, Baluarte.
Martxoak 2, Sevilla, Cartuja.