Jurgi Ekiza buru duen taldeak ‘Nahi eta nahi ez’ bideoklipa kaleratu du, ANE filmeko kanta nagusia. Bideoklipa Diego Kataryniuk-ek zuzendu du eta EAEko Zinema eskolak nahiz Amania Films eta The Last Wagon ekoiztetxeek osatu dute.

Soinubanda originala Jorge Grandak idatzi zuen eta, era berean, Berri Txarrak zein Willis Drummond beraren hainbat abesti ere jasotzen du filmak.

‘Nahi eta nahi ez’ honek, zehazki, Abesti Original Onenaren izendapena jaso du 2021eko Goya Sariei begira. Willis Drummond taldeko kideek aurkeztu berri duten bideoklipean eurak beraiek dira iruditan protagonista.