Musikaren sektoreko artista gazteen sorkuntzak bultzatu eta sustatzea da VillaSound Bilbao ekimenaren helburu nagusia. Bilboko Udalak hirugarren edizioa abiatu du eta jada zabalik da deialdia.Epaimahai profesional bat arduratuko da 12 talde aukeratzeaz. Horiek guztiek zuzeneko kontzertua emateko aukera izango dute, 2023ko martxoan, Bilborocken. Guztira lau kontzertu izango dira eta, beraz, horietako bakoitzean hiru taldek emango dute zuzenekoa.
Parte hartzeko, talde edo bakarlariek 16 eta 30 urte bitartean izan behar dute, eta Euskal Autonomia Erkidegokoak edo Nafarroakoak izan behar dute. Musika estiloari dagokionez, edozein motatakoa baloratuko du epaimahaiak: rocka, popa, metala, trap, elektronika, folka… edota horien arteko fusioak.
Interesa dutenek, abenduaren 13ra arteko epea dute beren lanak aurkezteko Bilboko Udalaren webgunean. Oinarriak ere kontsulta daitezke: HEMEN