Ginger

Klikatu argazkien gainean handiago ikusteko

2023an urteurren borobila ospatzen ari da Gasteizko herri mugimendua. Izan ere, 100 urte bete dira hiriaren eraldaketan giltzarri diren bost kolektibo sortu zirenetik: Gasteizko gaztetxea, Hala Bedi irratia, Errekaleor auzoa, Auzolana pilotalekua eta Judimendiko Sumendi.

Mendeurrena dela eta, ‘100 urte bakarrik ezin da!’ lelopean batu eta urriaren 21era arte luzatuko duten dinamika dute eskuartean. Orain, gainera, amaiera-data horretan festa-eguna egingo dutela iragarri dute: “Kaleak hartzeko eta Gasteiz festaz eta aldarrikapenez betetzeko deia egin nahi diogu gure espazioak bere sentitzen dituen pertsona orori”.

Goizetik gauera arte iraungo duen egitarau zabala prestatu dute (zunba herrikoia, kalejira, herri-bazkaria, sukalde guerrilla, kale-antzerkia…), eta musikaz gozatzeko aukera ere izango da.

Hala, Ginger eta Nakar taldeek, Miren Narbaizak, Dj Eromenak ,Albina Stardustek eta Brass Bandek emango dute kontzertua, besteren artean.