Hamasei kanta berrik osatzen duten Tolesturak, Gernikako Audience boskotearen estudioko lan berria, ibilbideko bederatzigarrena. Egiaz, bi disko dira, edo lau aurpegi, binilo formatuan ulertuz gero. Aurkezpen zuzeneko bana eman dute Gernikan, Andoainen eta Elorrion, eta kontzertu-sorta berria iragarri dute iraila eta urrirako. 

Lan bikoitz honetan askotariko piezak sartu dituzte. Bada, esate baterako, 27 segunduko iraupena duen Triñeko Ogigaztaia kanta; edota gazteleraz abestutako Cartas de Amor; ‘Take off’ zinematografikoa; ‘Haizepela’ pop abestia; bossanova ukitu bat Hatzmarkak Leihoan piezan; Anariren kolaborazioa tartean…

Audiencen bandcamp orrialdean zein bIDEhUTSen webgunean eskuratu daiteke gernikarren disko bikoitza.