Klikatu argazkien gainean handiago ikusteko
Urriaren 26an, ostiralarekin, Bertso Rap Sound System taldeak hasiera eman zion Sustraiez Blai Jaialdiaren zazpigarren edizioari. Zuen agendan apuntatu datozen emanaldiak eta ekitaldiak, munduko kulturen topaketa honetan asko baitago gozatzeko.
Azaroaren 6an, asteartearekin, gaueko 21:00etan, Fatih Akin zuzendariaren
Cruzando el puente. Los sonidos de Estambul filmaren emanaldia Beasaingo Usurbe Antzokian eta Goieniz zineklubaren lankidetzari esker.
Filmak Istanbul berezia aurkezten du, mendebaldeko ikuspegitik oso arrotza, erotikoa eta arriskutsua den hiria, baina, era berean, tentagarria dena. Protagonista nagusia Alexander Hacke musikaria da, kontaketaren haria bere gain hartuz, hiriaren alderdirik tradizionalena zein modernoena erakutsiko diguna. Nagusiki musikala den film honetan, Hackeren istorioa ezagutuko dugu, Istanbulen "Contra la pared" filmaren soinu-banda konposatzen ari zela, hiria bera eta beronen musika ezagutu baitzuen. Istanbulen aniztasun musikala atzeman nahi izan zuen, mendebaldean entzun zedin, soinu elektronikorik modernoenetatik hasita, rock-etik eta hip-hop-etik igaro, musika arabiarrik klasikoenera iristeraino. Fatih Akin,