Euska Eskola Publikoaren jaialdia ekainaren 4an egingo dute Mungian, eta festaren leloa bera da STR-k aitzakia horretan sortu duen abestiaren izena: Jagon.
Boskote gaztearen kanta plataforma guztietan dago entzungai. Eta YouTuben bideoklipa ere ikus daiteke. Gaua Recording Estudioetan grabatu dute kanta, Jon Asier Zubelzurekin; eta BagaBiga Musika Ideiak arduratu da ekoizpenaz. Ikus-entzunezkoaz, berriz, Julen De La Serna arduratu da.
STRkoak 2023ko tour edo kontzertu-biran murgilduta dabiltza gainera. Mungian ekainaren 4ko Euskal Eskola Publikoaren jaialdian jo ostean, beste plaza hauetan ere ariko dira:
Uztailak 12: Santurtzi. Txoznagunea.
Uztailak 24: Orereta. Txoznagunea.
Abuztuak 14: Zarautz. Txoznagunea.