Steve Hackett

Klikatu argazkien gainean handiago ikusteko

Bob Dylanek bostgarren aldiz bisitatuko du Donostia. Ekainaren 19an eta 20ean emango du kontzertu bana, eta dagoeneko saldu dira sarrera merkeenak. Soilik 155€-tik gorakoak geratzen dira eskuragarri. 

Duluth-eko artistak 60 urte daramatza musikagintzan, eta ekaineko saio bikoitzean Rough and Rowdy Ways bederatzigarren diskoa aurkeztuko du Gipuzkoako hiriburuan. Kontzertuak 20:00tan hasiko dira.

Baina Bob Dylan ez da izango Kursaaleko ekaineko programazioak ekarriko duen nazioarteko izen entzutetsu bakarr, hilaren 27an Steve Hackett ariko baita bertako areto nagusian zuzenean. 70eko hamarkadako Genesis banda mitikoaren gitarra-jotzailea izandakoak bakarka omenduko du Fotxtrot diskoaren 50. urteurrena. 

1972an kaleratutako album hura berebizikoa izan zen Genesis rock britainiarraren abangoardian kokatzeko. Bakarkakoan, bestalde, jada 30 urte daramatza Steve Hackettek bere balioa frogatzen.