Bonberenea Ekintzak-en eskutik ikusi du argia Same Old gasteiztarren disko berriak: Cabeza Voladora. Sei kantu jasotzen duen lan sendoa eta trinkoa da, gordina, baina emozioen bilaketari muzin egiten ez diona.
Oraingo honetan, Danilo Foronda gitarra jolea batu zaie Dani Arrizabalaga (bateria), Txus Villlabeitia (gitarra), Jose C. Porras (ahotsak), Federico Egiluz (baxua) eta Fran Orlando (teklatuak) musikariei.

Karlos Osinagak grabatu, nahastu eta masterizatu du Cabeza voladora Bonberenea estudioan. Emaitza, dagoeneko aurreratu dugu, indartusa, gihartsua, eta sakona da.
Kantuetako batean, Askapen hazian, hain zuzen ere, euskara erabili dute. Abesti honetan Sorkun, Libe eta Ibon Salterain (Tutan Come On) musikariek parte hartu dute.

Duela bost urte argitaratu zuten gasteiztarrek beren azken diskoa, Traidor Inconfeso y M