Klikatu argazkien gainean handiago ikusteko

Re-scue. The Archive in the mouth. Teaserra.

“Sortze / kiribiltze / desegite prozesu” gisa definitu du Ainara LeGardonek martxoa erdialdera kaleratuko duen Res-cue. The archive in the mouth lan berria: “Aldez aurretik kontatutakoa des-zifratu, ber-konposatu, ber-interpretatu” du, atzera eta aurrera begiratu omen du aldi berean eta, hala, memoriari, erresonantziari, gure prozesuekin dugun harremanari eta nork bere artxibo bati ematen dion tratamentuari buruzko hausnarketa publikoa proposatu nahi du, “arkeofonia” lan bat.

Barne ariketatik asko du, beraz, proiektu berri honek. LeGardonek berak adierazi duenez, duela hainbat hamarkada berak jasotako pentsamenduetara itzuli baita bere baitako parte bat ulertzeko, eta inoiz alboratutakoaren inguruan hausnartzeko.

Martxoaren 17an ikusiko du argia, eta apirilean zehar hainbat lekutan aurkeztuko du, musika nahiz literatura zirukuituen baitan.

Momentuz, Res-cue. The archive in the mouth teaserra aurreratu du, Coming to an end (2004), Indescifrables (2018), eta Llegando al fin (2017) piezen collage bat, Xabier Erkiziak ensanblatua. Irudiak Oskar Alegriarenak dira.