New Road

Red Iron Squad boskote gasteiztarrak Legutioko III. Maketa Lehiaketa irabazi zuen iaz eta, horren harira, Talde Gune Sessions proiektuaren baitan, hiru abesti grabatzeko aukera izan zuen. Horietako bat da, hain justu, New Road izenekoa. Gasteizko Talde Gune estudioan grabatu dute Marcio Padoan-en laguntzaz eta zuzeneko grabaketa horren lekukotza jasotzen du aurkeztu berri duten bideoak.

Bestalde, laukote arabarrak aurrera segitzen du Go albuma ezagutzera emateko kontzertuekin eta aurki data berriak iragarriko dituzte.