Klikatu argazkien gainean handiago ikusteko

Latinamerikan barrena ibiltzeaz aparte, honezkero hiruzpalau bira egin dituzte estatuan, eta beste batean murgilduta dabiltza orain. Izan ere, Perotá Chingó bikoak hirugarren diskoa argitaratzekotan da.Hain justu horixe da datorren azaroaren 10ean Bilboko Kafe Antzokian aurkeztuko dutena.

Toca, Aurora, Vértigo eta Flor de vida aurrerapen kantetan nabari denez, aurreko lanekiko erregistro aldaketa egin dute, kutsu hippie-folkya neurri batean alboratuz. Bi neska hauek benetako fenomeno birala dira Latinamerikan, eta Argentinako taldeen artean zabalpen global handienetarikoa duen proiektua da.

Perotá Chingó bikoa Uruguaiko herri galdu batean igarotako oporraldi baten ostean eratu zen. Han ez zegoen elektrizitaterik, soilik gitarra bat, eta halaxe hasi ziren abestiak konposatzen. Estreinako hartatik jaio ziren Ríe Chinito moduko kantak, YouTuben honezkero 23 milioi ikustaldi dituena.