La locura continúa du izena Parabellum laukoteak abenduaren 13an argitaratuko duen zuzeneko CD/DVD bildumak. Iaz Madrilgo Mon aretoan eta Bilboko Santana 27-n eman zituzten kontzertuetan egindako grabaketak biltzen ditu diskoak, 24 kanta eta makina bat irudi.
Gainera, kolaborazio esanguratsuak dakartza: Mamen Vazquez (Las Vulpess, Anticuerpos, Puro Chile) ahotsean, Alén Ayerdi (Marea, Ciclonautas) baterian, Toni Metralla, Tonino Perez, Dani El Mudo, eta Adolfo Aguado Garcia teklatuetan gonbidatu berezi gisa.
Azala, bestalde, Lucía de Andresen lana da.
Aurrerapen modura, La vela se apaga bideoa sareratu dute eta honezkero plataforma garrantzitsuenetan ikus daiteke.
CD/DVDa kamiseta batekin batera eskuratzeko aurre-salmenta promozio bat ere badago martxan.