Belako taldeak bosgarren estudioko lana du labean: Sigo Regando. Disko berriak irailaren 8an ikusiko du argia, nahiz eta bandaren webgunean preorder-a egiteko aukeran badagoen jada. Horrez gain, kontzertu birtual baterako sarbidea ere eskegi dute.
Uda hasieran egin zuten iragarpena eta orduz geroztik, jada, beste bi aurrerapen-kanta sareratu dituzte: White Lies eta Sangre Total. Horrenbestez, zabaldu berri duten Orein Orain hau hirugarren mokaduda da.
Mungiarrek euskara eta gaztelera nahastu dituzte, eta taldeko gitarra-jotzailea den Josu Billelabeitiak ekoitzu du. Vocoder efektuak erabili dituzte, eta giro onirikoa sortu dute ikus-entzunekoan. Belakoren ibilbideko “unerik garrantzitsuena” iristen ari dela azpimarratu dute taldekideek.
Euskal Herrian emango dituzten hurrengo kontzertuak honakoak dira:
IRAILAK 8, DONOSTIA. Boga Boga Festibala.
URRIAK 13, BILBO. Kafe Antzokia.
URRIAK 21, ORDIZIA. Ordiziarrock.