Orbel Baionako post-rock laukoteak bigarren lan luzea labean du jada, azaroaren 4an izango baita kalean. Halaxe iragarri du UsoPop zigiluak, eta biniloan zein euskarri digitalean kaleratuko dutela ere jakinarazi du.
Medicines Time Records diskoetxearekin batera merkaturatuko du UsoPop-ek Orbelen diskoa, eta argitaratze-hilabetean bertan hasiko dira Baionakoak kontzertuak ematen.
Lehenak frantziar estatuan izango dira, eta geroago helduko dira momentuz Euskal Herrirako iragarri dituzten lau datak:
Abenduak 2: Miarritze, Atabal.
Abenduak 11: Durango, Durangoko Azoka.
Abenduak 17: Hondarribia, Psilocybenea.
Urtarrilak 5: Gasteiz, Jimmy Jazz.