Musika-profesionalen bilerarik garrantzitsuena da Womex. Aurtengoa XXIX. edizioa izango da, eta Koruñan antolatuko dute, Galizan, urriaren 25etik 29ra bitarte.
Bost egunez, 45 herrialdetako 40 artista baino gehiagok hartuko dute parte, eta sektoreko 2.600dik gora profesional batuko dira. Hitzaldiak, proiekzioak, mahai-inguruak, sariketak eta askotariko ekitaldiak dakartza Womex 2023-ren programak.
Euskal musikak izango du ordezkaritza. Batetik, Neomak talde gipuzkoarrak kontzertua emango du Atlantic Connections agertokian, Koruñako Rosalía de Castro antzokian.
Eta, bestetik, Basque.Music.-ek bere standa izango du azokan, eta baita nazioarteko profesionalen artean zabalduko den katalogoa ere.