Orotara, nazioarteko 53 kale-bandek eman dute izena 2023ko Haizetara Jaialdian lehiatzeko. Amorebieta-Etxanoko Udalak antolatzen duen Txapelketaren XVI. edizioan lehiatzeko lehenengo galbahea, baina, 9 bandek pasatu dute, eta eurek osatzen dute aurtengo kartela.
11 herrialdetatik etorritako bandak dira: Frantzia, Belgika, Portugal, Herbehereak, Argentina, Benin, Alemania, Italia, Erresuma Batua, Mexiko, Serbia, España, eta bada euskal herritar bat ere, arabarra.
Lehen hautaketa hori egiteko, epaimahaiak nagusiki kalitate artistikoa, material grafikoa, soinua, alderdi bisuala eta curriculuma baloratu ditu.
Hala, ekainaren 23tik 25era bitarteko saioetan, Bulbalkan, La Fanfare Saugrenue, Harmony’s Brass Band, Back Chat Brass, Renniw Brass Band, Gata Brass Band, Dirty Dürüm Brass Band eta Jazz Hunters lehiatuko dira.