https://youtu.be/_3JjYiQ5Ecg

Estanis Elorza (ahotsa eta baxu-jotzailea), Aitor San Sebastian (bateria), Juan Pablo Valdecantos (sintetizadoreak) eta Beñat Ruiz (gitarra) dira Natural Project. Proiektua duela 30 urte sortu zen Andoainen, Elorza da ordutik mantendu den taldekide bakarra eta, beraz, data bereziak bizitzen ari dira 2023 honetan. 

Urtarrilaren 18an zabaldu zuten plataforma digitaletan Olabista izeneko lan berria, bost kantaz osaturikoa. Berez, lan luzea beharko lukeen disko osoago baten lehen partea dela aitortu dute taldekideek, espero gabeko zirkunstantziek eten dutelako ekoizpena. Hala ere, LP osoa urtea amaitu baino lehen prest edukitzea espero dute. 

30. urteurrenaren harira, kontzertu oso bereziak eman dituzte Lasarten, Donostian eta Andoainen. Eta, gainera, uda parterako “jaialdi moduko bat” prestatzen ari direla iragarri dute. Hiru hamarkadako ibilbidea behar bezala ospatzeko.