Etxepare Euskal Institutuak musikaren sortzaileen mugikortasunerako 2023eko diru-laguntzen deialdia argitaratu du. Euskal musika talde eta banakako artisten atzerriko bidaia gastuak, ostatua eta dietak finantzatzera bideratutako diru-laguntzak dira.
Etxepare Institutuak deialdiaren oinarrietan zehaztu duenez, “musika-biratzat hartuko dute euskararen eremu geografikotik kanpo gutxienez lau kontzertu ematea”, diru-laguntzaren xede den urtean. Bestalde, euskaraz abesten duten taldeen kasuan, biratzat hartuko dute “emanaldi bakar bat egitea nazioarteko jaialdi batean edo 300 ikusle baino edukiera handiagoa duen nazioarteko hiriburu batean” aritzea.