Nola bizi dugu musika? Zer eragin du gizartean? Musika gizartearen isla da? Halako galderak hartuko ditu hizpide UPV-EHU-ren 2023ko Udako Ikastaroen programak eskaintzen duen ‘Musika Bizi: musikaren errealitateak hizpide’ ikastaroak.
Euskal Herriko Musika Bulegoarekin elkarlanean antolatu du Unibertsitateak ikastaro hori. Eta, erantzun bila baino gehiago, hausnarketa aktiboa sustatzeko asmoz proposatu dute programa. Aniztasuna bilatuko dute nola gaietan hala ikuspegietan ere. Musikaren inguruko komunikazioa, soziologia, genero kontuak, hezkunza, akademia, industria, sektore artistikoa, ikerketa… jorratuko baitituzte.
Besteak beste, La Chula Potra, Kiliki fresko, Lide Hernando eta Zuriñe Hidalgo musikariak ariko dira hizlari. Eta, horiekin batera, Julen Azpitarte kazetari espezialdua, eta Cristina Arriaga, Josu Larrinaga eta Josu Amezaga irakasle eta ikerlariak ere.
Matrikulatzeko epea zabalik da, eta HEMEN kontsulta daiteke informazio osoa.