Geruzak - disko osoa

Montauk musika talde arabarrak agur esan du. Laukoteak bere sare sozialen bidez jakinarazi du amaierara iritsi direla: “Batzuetan muga batera iristen zara. Honaino iritsi da gurea. Orain muga berrien bila. Eskerrik asko.”

Sei urtetan bi disko kaleratu zituzten gasteiztarrek: Bilaketan (2016) eta musikazaleen arreta erakarri zuen Geruzak (2018).

Bigarren eta azken lana atmosfera bare eta ilunez josia zegoen. Minimalista eta dotorea zen. Eta halaxe joan dira ere. Estudioko bigarren lanarekin jaso zituzten kritika onek bide luzea aurreikusten zieten arren, bide berriak arakatzeko erabakia hartu dute.