Klikatu argazkien gainean handiago ikusteko

Musikaren industria “nahiko maskulinizatuta” dagoela uste du Nerea Loron La Furia rap kantariak eta, hain justu, hutsune hori betetzeko misioarekin sortu du Mimosa Bulegoa Kata Garciarekin batera. 

Musikagintzari lotutako proiektu feministak eta LGTBI ikuspegia txertatzen duten egitasmoak hauspotzeko asmoz jarri dute martxan, eta batez ere manager zerbitzua eskainiko dute. “Pertsona zaurgarrietan jarri dugu arreta –argitu dute–, sormen prozesuak lagundu eta balioetsi nahi ditugu, eta gizarte eraldaketa sustatu”. Artetik eta musikatik diskurtso feministak aldarrikatzeaz gain, lan egiteko modu feministak balioan jartzearen garrantziaz ere ohartarazi dute.  

Egitasmoa lehengao abiatu zutela aitortu dute, baina orain heldu zaiela garaia ospatzeko eta jendaurreko ganorazko aurkezpena egiteko. Bilboko Bira kulturgunean egin dute prentsaurrekoa eta ospakizuna. 

Martxoaren 10ean Irantzu Varelaren Señoricidio bakarrizketa estreinatuko dute Iruñeko Zentral aretoan; Irene Colladok eta Elisa Callek talk show bat egingo dute; eta La Sinsorga Bilboko espazio kultural feministarekin elkarlanean arituko dira.