XV. MIN sariketa ate joka dator, maiatzaren 17an banatuko baitituzte garaikurrak Mallorkan. Ekitaldia Auditorium Palman izango da, Samantha Hudsonek gidatuko du hitzordua, eta, besteak beste, La La Love You, Karmento eta Shego ariko dira zuzenean.
Sariei dagokionez, 2023ko edizio honetako izendapenen artean euskal izen asko irakur daitezke:
Esate baterako, IZARO pop albumik onenaren sarirako dago izendatuta, Dorian, La Bien Querida, Los Estanques y Anni B Sweet eta Nacho Vegasekin batera.
Belako laukotea, ordea, urteko rock albumik onenaren kategorian hautatu dute, Biznaga, Egon Soda, Los Punsetes eta Sexy Zebras bezalaxe.
Elena Setién donostiarrak, aldiz, elektronika grabaketa onenaren izendapena jaso du. Ines Osinagaren "Itsasoa Da Bide Bakarra" diskoaren diseinuak ere izendapena jaso du; eta Chica Sobresaltok, artista berri onenarena.
Aldiz, Merina Gris, Olaia Inziarte, Vulk, Niña Coyote eta Chico Tornado eta Zea Mays, ostera, Etxepare Euskal Institutuaren euskarazko diskorik onenaren sarirako hautagaiak dira.