Nize

Klikatu argazkien gainean handiago ikusteko

Bueltan da MEFSST jaialdia, “bollera, bi, emakume, trans, ez-normatibo, disidente musikazaleak” batuko dituen hitzordua. Egun osorako gonbitea luzatu dute Zarauzko Hiruputzu gaztetxetik ekainaren 3rako, larunbata, ‘Jo Mari Jo!’ lelopean.

Goizeko 11:00etan, ‘Sortuz, grabitatearen aurka’ izenburupean, solasaldia egingo dute Miren Narbaiza, Eneritz Furyak, Andrea Plaza eta Intza Arakistain artistek.

12:30ean fanzine tailerrerako tartea izango da, eta 13:30ean helduko da eguneko lehenengo zuzenekoa: Airu.

15:00etan egingo dute bazkaria eta, osterako, Musika Bingoa prestatu dute.

Eguna borobiltzeko, 19:00etatik aurrera, egitarauko kontzertu nagusien eta dj-en txanda izango da: Muare, Nize, Ginger, Gurebesta Kj, Dj Oihana eta Dj Sweet Pineapple.

Eguneko mertxandaisina prestatzen ari dira eta antolatzaileek jakinarazi dute bazkari beganoan parte hartu nahi dutenek aldez aurretik abixatu behar dutela: mefsst6@gmail.com.