Izenburuak pertsieraz "jake mate" esan nahi du, eta kontzeptua Katherine Neville idazlearen "The Eight" liburuan oinarritua dago.

Elementu berriak ageri dira euren proposamenean; orkesta pasarteak, abiadura biziagoa, melodia zein leloen indarra... "Finean, orain arteko disko landu eta helduena da", adierazi digute Ortots | burdin hotsak zigiluko arduradunek.
Grabaketa lanak Nafarroako Sonido XXI estudioetan egin dituzte, San Martin anaien gidaritzapean. Hiru diskoak bertan grabatu dituzte.

Taldekideei dagokionez, laukote gisa segitzen dute baina aldaketa batekin. Ekaitz baxu jotzaileak taldea utzi zuen, eta Urtzik (Hira eta Hobira ohia) bete zuen haren hutsunea. Davidek (ahotsa eta gitarra), Bortxek (gitarra eta sinteak) eta Titok (bateria) osatzen dute taldea.

Diskoaren aurrerapen abestia, "Azken Jokua", taldearen myspace atarian edo Ortots burdin hotsak diskoetxearen myspace gunean entzun daiteke.