Ondarrun eta 2002an sortu zen Keike taldea, eta sei urteren ostean desegin zen 2008an. Orain, ia hamabost urte eszenatokietatik urrun pasatu ostean, itzulera iragarri dute. Aurreneko zuzenekoa datorren apirilaren 2an emango dute, doan. Berriz herriko Topa tabernan izango da, 19:00etatik aurrera.
Horretaz aparte, hitzordu gehiago ere itxi dituztela azaldu dute eta, beraz, aukera aunitz izango dira Keikeren musikarekin zuzenean gozatzeko.
2002an taldea sortu zeneko musika berberak ariko dira aro berri honetan ere: Gorka Ruiz (baxua), Ion Kirru Iparragirre (gitarra), Denis Alberdi (bateria), Nerea Sanchez (ahotsa) eta Axular Arrasate (gitarra). Momentuz, kanta zaharrak berreskuratuz ari dira entsegu lokalean.