Lauroba_kebonba

Iker Lauroba - Ke Bonba

Funk eta disco estiloetara hurbildu da Iker Lauroba bere kanta berrian: Ke Bonba. Lide Hernando abeslariarekin (Liher, Bele) aritu da elkarlanean, eta doinu oso dantzagarri eta kutsakorrak lortu dituzte. Iruditan, ordea, ez dira dantzatoki batean ageri, baizik eta industriagune batean eta pijama soinean. Propio bilatu dute kontrastea.

Lau Mundu izeneko egitasmoan murgilduta dabil Iker Lauroba. Urtaro bakoitzeko kanta bana sareratuko duela jakinarazi du, eta horietako bakoitzerako artista jakin bat izango duela bidelagun. Aukeratutako estudioa ere ezberdina izango da ale bakoitzeko.

Ke Bonba da, beraz, lau horietan lehendabizikoa. Lide Hernandorekin grabatu du eta Josu Ervitiren estudioa (Erviti Studio) aukeratu du horretarako. Dideoklipaz, berriz, Igora Films arduratu da, Iñaki Gereñu, Nerea Garmendia eta Iñigo Etxarrirekin batera.