Kai Nakai izen artistikoaren atzean 23 urteko Iratxe Aguilera gasteiztarra dago, 2019ko Durangoko Azokako II. Sormen Bekaren irabazlea. Hain justu horri esker ari da, bere hitzetan, “euskarazko perreo feminista” garatzen.
Emoiztazu bihotz izeneko abestia eta bideoklipa da explorazio lan horren emaitza berria. Mendeku istorio bat kontatzen du. Hasieran zintzo papera hartuta ari da Kai Nakai, baina desleiala izan zaion mutil-laguna hilko du amaieran. Azken honen paperean Danel Xabier Nogales dantzari gasteiztarra ageri da.
Iratxe Aguilerak djChickjuarez-ekin batera osatu du kanta hau. Bideokliparen zuzendaritza Julen de La Sernak hartu du bere gain, eta zuzendaritza artistikoan Tamara Aravecia aritu da.