2023ko martxoko azken asteburuan egingo dute Iruñarock jaialdiaren bosgarren edizioa. Formatua aurreko urteetakoaren antzekoa izango da, barra eta jateko guneak eskainiko baitituzte bi egunez.
Iruñeko Navarra Arena pabilioiko eszenatokitik 15 talde pasatuko dira guztira. Martxoaren 31n, ostiralez, Narco, Su ta Gar, Banda Basotti, Kaotiko, Bala, La Topadora eta Liher igoko dira oholtzara. Eta larunbatean, apirilaren 1ean, Natos y Waor, Lágrimas de Sangre, Ciudad Jara, Huntza, Jarfaiter, Kaos Urbano, Sons of Aguirre & Scila eta The Lizards taldeen txanda izango da.