Uda berezi honetan euren bezeroei zerbait desberdina eskaini nahi diete eta, bide batez, Covid19ak kinka larrian utzi dituen musikariei zuzenekoetarako (g)une bat eskaini. Horixe da Lizarrako Kanpinekoek 2020ko uztailerako eta abuzturako abian jarri duten 'Ilunabar akustikoak' ekimenaren helburu bikoitza.
Kontzertu akustikoak ematako prest dauden talde nahiz bakarlarien bila dabiltza, hortaz. Emanaldiak asteburuetan izango dira, 18:00-21:00 bitarte. Euskal musikaren aldeko apustua da eta, beraz, bertako taldeek izango dute lehentasuna.
Interesa duten musikariei info@campinglizarra.com helbidera idatzi edo 948551733 telefono zenbakira hots egiteko deia luzatu diete.