Ibil Bedi - Lokatzarena

Ibil Bedi - Perimetroarena

Ibil Bedi boskote nafarrak disko berria ondu du. Berandu Baina Garaiz (2019, autoekoizpena) eta Beltxarga Beltza (2021) lan luzeen ostean, orain Goldea heldu da, nafar pop bandaren hirugarrena. Goldea disko osoa entzungai dago, besteak beste, taldearen YouTube kanalean.

“Goldeak lurra iraultzen du, aurreko landaketatik zaharkiturikoa erauziz. Golde honek, baina, landaketa berriak beharrezko dituen sustrai zaharrei euren lekua uzten die”. Halaxe aurkeztu dute uzta berri hau eta, beraz, ondoriozta daiteke diskoa, alde batetik, fidela zaiola orain arte urratutko bideari, baina aldaketak eta ezusteak ere badakartzala.

Zetorrenaren erakusgarri eta mokadu gisa, Lokatzarena eta Perimetroarena aurrerapen kantak sareratu dituzte aurreko asteotan. 

Goldea aurkezteko kontzertu bana iragarri dute Iruñean, Donostian eta Bilbon, hurrenez hurren. Lehena maiatzaren 23an izango da Nafarroako Antzerki Eskolan (19:00).
Bigarrena maiatzaren 27an Intxaurrondo Kultur Etxean (20:00).
Eta Bilbokoa Kafe Antzokian izango da, ekainaren 8an (21:30). 

Ibai Osinaga, Amets Aranguren, Areta Senosiain, Eder Escalera eta Javier Larrañeta partaide dituen pop banda 2018an sortu zen.