“Minaren ondorengo biziberritze ba da, zauriak erabat sendaturik indartsu iristen den ahots bat”. Halaxe definitu du Aguxtin Alkhat musikaren baxenafartarrak bere disko berria.
Hautsaren Hatsa du izena eta, kaleratzearekin batera, Erre Hitza kantaren bideoklipa ere estreinatu du.
Folk-rock kutsua darien zortzi abestik osatzen dute lana, eta Alkhatek Beran duen Atala estudioan grabatu du diskoa. Horretan bidelagun izan ditu hainbat adiskide zahar: Julien Labat (gitarra) eta Xan Bidegain (baxua). Horrez gain, Pierre Sanglak bateria jo du —aurreko diskoetan Felix Buffek egin du—. Kamila Zubeldiaren eta Kiki Graciet-en laguntza izan du ahotsetan eta aho-soinuarekin, hurrenez hurren. Diskoa argitaratzeko Hutsaren hatsa zigilua sortu du Alkhatek.