Australiako pop musikan aitzindaria izan zen McLennan 1958. urtean jaio zen Rockhampton-en. Unibertsitatean ezagutu zuen Robert Foster-ekin batera The Go Betweens sortu zuen eta 1981. urtean euren estreineko lana kaleratu zuten, Send Me a Lullaby. Taldeak gora beherak izan ditu urte guzti hauetan zehar baina kideen arteko harremana ez da inoiz gaiztotu eta proiektu pertsonalentzako denbora tarteak hartu izan badituzte ere beti izan dira erreferentzia zuzena adibidez Belle and Sebastian bezalako talde gazteagoentzat. Taldearen azken diskoa, Oceans Apart, kritika izugarri onak jaso ditu mundu osoan zehar eta Australiako hedabide eta gizarte arlo ezberdinetan adierazi duten mina, Grant W. McLennan-ek artista eta pertsona gisa utzi duen hutsune sakonaren froga izan dira.