Klikatu argazkien gainean handiago ikusteko

2000 urtean elkartu ziren lehen aldiz Alex Sardui, Haimar Arejita, Gaizka Salazar eta Mikel Caballero, rock & rolla euskaraz egiteko gogoz. Elkartu, entseatzen hasi eta bi urtera, Zoramena diskoa atera zen, eta haren atzetik beste zazpi lan luze, eta ehundaka kontzertu.

2020 urtea mugarria da, beraz, Gatibu taldearentzat: 20 urte eszenatokietan. Horregatik, urte hauetan guztietan alboan izan dituzten zaleekin ospatu nahi dute urteurrena eta, hain justu horretarako, kontzertu berezia emango dute datorren martxoaren 28an, 20:00etatik aurrera, Bilboko Miribillan.

Sarrerak eta informazio gehiago: HEMEN

Bien bitartean, bizkaitarrek biran segitzen dute Azken Indioak diskoarekin. Hala, Martxoaren 28an Euskal Herrian jo aurretik, Espainiako eta Kataluniako hainbat hiritan ariko dira: Salamanca, Madrid, Santiago de Compostela, Tameiga, Girona eta Bartzelona.