Uztaila hastearekin batera abiatu du Esti Markezek bere musikari ibilbidearen etapa berri bat, bakarka. Orain arte Mikel Markez aitarekin aritu izan da eszenatokietan, baina berak konposatutako hainbat kanta ere bazituen.
Iragarri duenez, datorren urrian ikusiko du argia bere aurreneko lan luzeak. Momentuz, aurrekari modura, ‘Hitzekin jolasean’ izeneko singlea aurkeztu du.
Aro aldaketak ez du estilo aldaketa ekarriko, ordea. Markezek azaldu duenez, sorkuntza berriek ere popa eta folka izango dute oinarri.