Zinema Dokumentala ardatz duen DocuRock jaialdiak seigarren edizioa egin du aurten, eta Enrique Villareal ‘El Drogas’ musikariaren ibilbidea jorratzen duen ikus-entzunezko homonimoa saritu du. Zehazki, Film Luze Onenaren Urrezko Pua jaso du.
Zinema eta literaturan espezialdutako Eduardo García Rojas kazetariak, Kim Simmons abeslariak eta Kiko Castro musikari eta ekoizleak osatutako epaimahaiak ‘El Drogas’ gailendu du kategoria berehan lehiatu diren beste hainbat lanen artean, besteak beste: ‘Rolling Stones. Vida y muerte de Brian Jones’, ‘La reina Guajira’, ‘PJ Harvey: a Dog Called Money’ eta ‘Piélago’.
Natxo Leuzak zuzendutako dokumentalak orain arte jaso duen aurreneko errekonozimendua da hau, baina Jose Maria Forqué sarietarako (urtarrilak 16) eta Festival DocsValència Spai de No Ficció jaialdirako (abenduak 10-19) ere izendatu dute.