Klikatu argazkien gainean handiago ikusteko

El Rey Matatu

Dispara du izena Manifa taldearen disko berriak. Chromaticity estudioetan grabatu dute Tanto eta Pedro J. Mongeren eskutik, eta otsailaren 14an ikusiko du argia. Errepelega eta Barakaldo aldeko mutilek orain arteko punk rock esentziari eutsi diote bosgarren lan luze honetan ere. “Ruido del bueno” dute lema, eta hitz nahiz doinu zorrotzez beteriko proposamen berri honekin berretsi dute.

Harto pailazoa, taldearen maskota, ageri da Suki egileak diseinatutako azalean. Hala, jarraikortasuna eman diote Cristales rotos eta El gran circo del rock diskoekin abiatutako bideari.

Hartoren historia bizitzak gaizki tratatu duen edozein pertsonaren bizitza da, eta hain justu horren inguruan eraiki dituzte disko honetarako kantak: langabezia, bakardadea, faltsutasuna, mozal legea… eta asaldatzea!