Orain urtebete plazaratu zuen aurreneko bakarkako diskoa Esti Markezek: Hitzekin Jolasean. 10 kantaz osaturiko album hura argitaratu zuenetik isilik egon da… orain arte.
Isilune hori apurtzera datorren Desegin singlea sareratu baitu Aiako musikariak. Azaldu duenez, maitasun libreari abestu dio kanta berri honetan, nork nahiago duen moduan bizitzeko askatasunari gorazarre egiten dio. “Lotsak ahaztu eta nahi bezalakoa izateko aldarria” dela adierazi du.
Desegin plataforma digital guztietan dago entzungai, eta bideoklipa YouTubera ere igo du Aiarra musika bulegoak.