DalecandELA elkarte bizkaitarra izen bereko jaialdia antolatzen ari da datorren irailerako: DalecandELA Fest. Hitzorduak, solidarioa eta doakoa, Alboko Esklerosi Anizkoitzari (ELA) eta gaitza pairatzen duten pertsonei ikusgarritasuna ematea du helburu.
Irailaren 8tik 10era bitarte, orotara 21 banda igoko dira Algortako portu zaharreko oholtzara. Euskal Herriko musika taldeak ez ezik, Espainiatik etorritakoek ere hartuko dute parte; gehien-gehienak pop eta rock independientearen esparrukoak.
Kartelburu gisa Ariel Rot iragarri dute, baina beste izen asko ere baieztatu dituzte dagoeneko: McEnroe, Mäbu, Omago, Afrika Bibang, Smile, La Bien Querida, El Mentón de Fogarty, Las Gildas, Swingtronics eta Laguna Goons. Bestalde, Los Rodriguez taldeari egingo diote tributua.
Kontzertuez gain, bestelako jarduera artistikoak eta kirol-jarduerak ere ekarriko ditu DalecandELA Fest-ek.